Tölvuþrjótar réðust á vefsvæði Vodafone

12. apríl 2007 07:19

Á myndinni sést vefsíða Vodafone og hvernig hún leit út eftir að hafa verið hökkuð. MYND/Halli

Vefsvæði Vodafone hér á landi varð fyrir árás tölvuþrjóta í gærkvöld. Þeim tókst að komast inn fyrir varnir svæðisins og skipta út forsíðunni fyrir sína eigin. Samkvæmt vefsíðu sem fylgist með þróun öryggismála á netinu fer svona árásum fjölgandi. Aðferðir þrjótanna eru margvíslegar og get haft í för með sér hættulegar afleiðingar fyrir grunlausa notendur.

Samkvæmt síðunni eru dæmi um að þrjótarnir hafi jafnvel komið fyrir gildrum á þekktum vefsvæðum, eins og MSN. Síðurnar líta þá út fyrir að vera eðlilegar, en tenglar á þeim síðan leitt menn í gildru sem gætu valdið skaða á sama hátt og tölvuveirur. Fulltrúi í þjónstuveri Vodafone sagði að síða þrjótanna hefði staðið uppi sem forsíða vefsvæðisins í rúman hálftíma rétt eftir miðnætti áður en hún náðist niður.

Innlent

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.