Avril Lavigne kaupir 10 baðherbergja villu

Söngkonan Avril Lavigne hefur fest kaup á stórhýsi í Los Angeles ásamt eiginmanni sínum Deryck Whibley, söngvara hljómsveitarinnar Sum 41. Eru baðherbergin í húsinu 10 talsins. Avril, sem er 22 ára, og Deryck, 27 ára keyptu húsið fyrir rúma 9,5 milljón dollara en það jafngildir rúmum 640 milljónum íslenskra króna. Los Angeles Times greinir frá þessu.

Átta svefnherbergi eru í húsinu sem er um 1100 fermetrar að stærð. Það er byggt í Tuscan stíl og í því er meðal annars lyfta, skrifstofa, hátækni-eldhús, gufubað, sundlaug og síðast en ekki síst, 10 bíla bílskúr. Það ætti því ekki að fara illa um ungu hjónin á nýja heimili þeirra.