Kaffibandalaginu ekki lokið

Jón Magnússon, frambjóðandi Frjálslyndra, segir kaffibandalaginu ekki lokið en Vinstri grænir og Samfylking geti ekki rutt af borðinu, áherslum Frjálslyndra í innflytjendamálum, ætli þeir sér að fara í ríkisstjórnarsamstarf með þeim. Ekki megi halda að flokkurinn sé á móti innflytjendum þó hann vilji hefta innflutning þeirra til landsins.

Eiríkur Bergmann Einarsson, dósent í stjórnmálafræði sagði í hádegisfréttum Stöðvar 2 í gær að kaffibandalaginu milli Samfylkingar, Vinstri grænna og Frjálslyndra væri lokið. Nýlegar auglýsingar Frjálslyndra um að hefta innflutning erlends vinnuafls til landsins hefðu gert útslagið og þær samræmdust ekki stefnu Samfylkingar og Vinstri grænna. Jón Magnússon lögmaður, sem leiðir lista Frjálslyndra í Reykjavík Suður segir enn þónokkra möguleika á stjórnarsamstarfi.

„Það er hins vegar ekki hægt að setja fyrirfarandi skilyrði um hlutina. Menn setjast niður eftir kosningar til að athuga hvort það sé einhver flötur á því að hefja stjórnarsamstarf. Það náttúrulega liggur alveg fyrir að menn geti ekki rutt af borðinu helstu áherslumálum annars flokks ef þeir ætla sér að fara í samstarf við hann. Menn verða að skilgreina stefnu Frjálslynda flokksins rétt. Ekki má halda að flokkurinn sé á móti innflytjendum," segir Jón. Hann segir jafnframt að flokkurinn vilji einungis tryggja að íslenskt velferðarkerfi ráði við þann fjölda sem komi til landsins.

Ingibjörg Sólrún Gísladóttir, formaður Samfylkingar, vildi ekki tjá sig um málið þegar eftir því var leitað. Katrín Jakobsdóttir varaformaður Vinstri grænna segir að flokkurinn geri engar málamiðlanir á sinni mannréttindastefnu við stjórnarmyndun. Vinstri grænir hafi miklar áhyggjur af því ef Frjálslyndir haldi sinni innflytjendastefnu til streitu.

Eiríkur Bergmann Einarsson, dósent í stjórnmálafræði sagði í hádegisfréttum Stöðvar 2 í gær að kaffibandalaginu milli Samfylkingar, Vinstri grænna og Frjálslyndra væri lokið. Nýlegar auglýsingar Frjálslyndra um að hefta innflutning erlends vinnuafls til landsins hefðu gert útslagið og þær samræmdust ekki stefnu Samfylkingar og Vinstri grænna. Jón Magnússon lögmaður, sem leiðir lista Frjálslyndra í Reykjavík Suður segir enn þónokkra möguleika á stjórnarsamstarfi.

„Það er hins vegar ekki hægt að setja fyrirfarandi skilyrði um hlutina. Menn setjast niður eftir kosningar til að athuga hvort það sé einhver flötur á því að hefja stjórnarsamstarf. Það náttúrulega liggur alveg fyrir að menn geti ekki rutt af borðinu helstu áherslumálum annars flokks ef þeir ætla sér að fara í samstarf við hann. Menn verða að skilgreina stefnu Frjálslynda flokksins rétt. Ekki má halda að flokkurinn sé á móti innflytjendum," segir Jón. Hann segir jafnframt að flokkurinn vilji einungis tryggja að íslenskt velferðarkerfi ráði við þann fjölda sem komi til landsins.

Ingibjörg Sólrún Gísladóttir, formaður Samfylkingar, vildi ekki tjá sig um málið þegar eftir því var leitað.

Katrín Jakobsdóttir varaformaður Vinstri grænna segir að flokkurinn geri engar málamiðlanir á sinni mannréttindastefnu við stjórnarmyndun. Vinstri grænir hafi miklar áhyggjur af því ef Frjálslyndir haldi sinni innflytjendastefnu til streitu.