Heather Mills stressuð fyrir næstu viku

Fyrirsætan Heather Mills, sem tekur þátt í raunveruleikaþættinum Dansað með stjörnunum eins og áður hefur komið fram, kveðst vera stressuð fyrir keppninni í næstu viku. Þá eigi að dansa djæf. Djæf, eða jive, er mjög hraður dans og mikið hoppað í honum. Heather kvíðir því að taka djæfsporin þar sem hún er með gervifót.

Heather sagði í viðtali við NY Post að hún væri stressuð fyrir keppninni í næstu viku: ,,Ég þarf að dansa djæf, hvernig heldur þú að það sé að hoppa á einum fót sem er eins og steypa á meðan hinn fóturinn fer upp og niður eins og trampólín."

Fyrri umfjöllun Vísis um Heather og danskeppnina