Kærður fyrir myndbirtingu af Jennifer Aniston

Hollywood bloggarinn Mario Lavandeira, sem er betur þekktur sem Perez Hilton, hefur verið kærður fyrir að birta ólöglegar myndir af Jennifer Aniston. Myndirnar eru frá upptökum á kvikmyndinni The Break-Up en á þeim má sjá Jennifer bera að ofan. Var það Universal City Studios Productions, framleiðandi myndarinnar, sem lagði fram kæruna. Segir stúdíóið myndirnar bæði fengnar- og birtar ólöglega.

Þetta er ekki í fyrsta sinn sem Jennifer Aniston lendir í því að ljósmyndir af henni klæðalítilli birtast á netinu en í september síðastliðnum kærði hún ljósmyndarann Peter Brandt fyrir að taka myndir af henni inni á heimili sínu. Því máli lyktaði með samkomulagi.