Britney dömpað símleiðis

Kærasti Britney Spears, Isaac Cohen, sagði henni upp símleiðis á sunnudagskvöld. Þetta staðfestir Brandi Lord, umboðsmaður Isaac á fyrirsætuskrifstofunni L.A. Models, en Isasc starfar sem fyrirsæta.

Britney og Isaac kynntust í gegnum danshöfund Britneyar og byrjuðu að hittast um miðjan desember. Er Isaac fyrsti maðurinn sem Britney er með eftir skilnaðinn við dansarann Kevin Federline, þann 7. nóvember síðastliðinn.

Þegar símtalið kom var Britney í viðskiptaerindum í New York en Isaac var í L.A. að passa chihuahua hundinn hennar, Mjallhvíti (Snow White). Samkvæmt heimildum OK! segja vinir Isaac hann hafa verið að reyna að komast úr sambandinu um nokkurt skeið. Sambandið hafi verið of dramatískt fyrir hans smekk og honum liðið eins og hann væri í miðjum hvirfilvindi. Það hafi því ekki verið einhver ein ástæða sem gerði hann afhuga sambandinu. Honum þyki mjög vænt um Britney og hafi gert sitt besta til að hjálpa henni.

Þrátt fyrir stutt samband hafa Britney og Isaac verið dugleg að skemmta sér saman síðustu vikurnar. Þau hafa ósjaldan verið á djamminu í L.A. og fóru saman í rómantíska helgarferð til Las Vegas í janúar.

Það er óskandi að Britney takist að halda vel á spöðunum núna, en mörgum þykir hún ekki hafa verið upp á sitt besta eftir skilnaðinn við Kevin. Það verður því fróðlegt að sjá hvernig hún tekst á við sambandslitin í þetta sinnið.