Paris Hilton og Ron Jeremy flögguðu líkamspörtum

Íslandsvinurinn Ron Jeremy, sem er þekktur klámmyndaleikari, og hótelerfinginn Paris Hilton flögguðu líkamspörtum sínum fyrir framan hvort annað fyrir nokkrum árum. Þetta kemur fram í nýrri sjálfsævisögu Rons, sem ber heitið Ron Jeremy: The Hardest (Working) Man in Showbiz, sem kemur út í næstu viku.

Í bókinni kemur fram að Paris og vinur hennar Pijou Phillip hafi farið í leikinn ,,Ég sýni þér mitt, ef þú sýnir mér þitt" með Ron á kvennasalerninu á Chateau Marmont hótelinu.

Jeremy segir að hann hafi ekki sagt neinum frá þessu atviki en þegar hann heyrði Paris segja Fred Durst, söngvara hljómsveitarinnar Limp Bizkit, í partýi að hún hefði séð kynfæri hans þá hafi hann ákveðið að láta þetta koma fram í dagsljósið. Kemur þetta fram í The New York Post.

Paris Hilton hættir því ekki að koma á óvart en hún hefur ósjaldan flaggað líkamspörtum sínum, hvort sem það er í leik eða alveg óvart.