225 milljónum varið í vetnisverkefni

Verja á 225 milljónum króna á þremur árum til vetnisverkefna á Íslandi. Iðnaðarráðuneytið og Vistorka hafa gert samning þessa efnis en hann tryggir samfellu í vetnisverkefnum á Íslandi. Tuttugu og fimm milljónir af fjárlögum þessa árs verða til ráðstöfunar.

Koma á af stað 20 til 30 vetnisbílum og setja vetnisljósavél um borð í ferðamannabát á sjó. Einnig á að bera saman niðurstöður rannsókna á vetnisbílum við hliðstæðar rannsóknir á öðrum vistvænum bílum.

Alþingi tekur ákvörðun um greiðslur í verkefnið á árunum 2008 og 2009 og einnig koma til framlög frá erlendum samstarfsaðilum, innlendum orkufyrirtækjum og fleiri aðilum.