Engar horrenglur -nema mig

Viktoría Beckham hefur víst slegist í hóp með þeim sem ekki vilja horaðar fyrirsætur. Hún er orðin tískuhönnuður, eins og allir vita, og er að senda frá sér gallabuxna-línu. Og hún hefur sett sem skilyrði að þær megi ekki kynna með neinum horrlenglum, heldur aðeins stúlkum sem hafi eitthvað kjöt á beinunum.

Illar tungur sögðu auðvitað strax að þetta væri gert til þess að hún sýndist enn grennri, við hliðina á fyrirsætunum. Ekki vitum við hvort það er satt, en þegar hnátan var að fá sér gallabuxur sjálf, fyrir einhverjum dögum, bað hún um að máta stærð sem hentar sjö ára telpum.