Mótvægisaðgerðir rothögg fyrir sumar byggðir

Kristinn H. Gunnarsson þingmaður Frjálslyndra furðar sig á því að fólki verði boðinn styrkur af opinberu fé til að flytja ur sjávarplássunum þangað sem atvinnan er - það er, á höfuðborgarsvæðinu. Þetta segir hann í nýjum pistli á heimasíðu sinni. Samþjöppun í sjávarútvegi og fækkun starfa geti orðið svo gott sem rothögg fyrir sumar byggðir, en mótvægisaðgerðirnar séu hvorki fugl né fiskur.

Því hafi það vakið athygli hans að stjórn atvinnuleysistryggingarsjóðs hafi mótað reglur um styrki allt að 200 þúsund kr. til búferlaflutninga fyrir atvinnulausa sem sé til að örva fólk til þess að flytja sig á milli svæða. Það á sem sé, segir Kristinn, að bera fé á fólk til þess að koma því burtu frá þessum stöðum.