Ríki Bítillinn gramsar í ruslinu

Bítillinn Sir Paul McCartney er einn af auðugustu mönnum Bretlands. Þrátt fyrir það finnst honum hreinasta synd að eyða peningunum sínum í rándýra antíkmuni. McCartney hefur þess í stað oft fundið sér stofustáss sem annað fólk hefur hent út í tunnu. Hann segist hafa fundið nokkra gullmola undanfarið, til að mynda seglbát.

„Ég er bara þannig náungi að ég kann ekki við að sjá hluti í ruslinu. Þegar ég geng fram hjá ruslatunnu hugsa ég oft hvort ég gæti ekki notað þetta eða hitt. Bara í gær þurfti að draga mig frá einni slíkri svo að ég færi ekki að gramsa,“ segir McCartney.