Leo ennþá með ísra-elskunni sinni

Heimildarmaður sem er sagður í innsta hring hjartaknúsarans Leonardo DiCaprio, segir að hann sé alls ekki hættur sambandi sínu við ísraelsku fyrirsætuna Bar Rafaelli. Frá því var skýrt nýlega að hann hefði heyrst tala við hana í síma og þá öskrað; "Ég er búinn að fá nóg af þessu."

Þetta þótti ótvírætt merki um að sambandinu væri lokið. Fyrrnefndur heimildarmaður neitar því ekki að símtalið hafi átt sér stað, en þau séu þó alls ekki hætt saman. Leo hafi bara verið að ferðast mikið undanfarið og þau hafi því ekki hist eins mikið og þau gjarnan vildu.