Ber ekki vitni gegn Iverson

Rappstjarnan og sprelligosinn 50 Cent þarf ekki að bera vitni vegna ákæru á hendur Allen Iverson síðar í mánuðinum. Dómari kvað þennan úrskurð í gær en Iverson er gefið að sök að hafa lamið mann í andlitið með flösku.

50 Cent, eða Curtis Jackson III eins og hann heitir réttu nafni, var ekki viðriðinn slagsmálin en hann er náinn vinur öryggisvarða Iverson sem áttu þátt í slagsmálunum. Vegna þessa hefði hann þurft að mæta í réttarsalinn en til þess kom þó ekki.