Aflvana bátur dró akkeri í átt að landi

Verið er að draga bát sem varð aflvana úti fyrir Geldingarnesi fyrr í dag til hafnar.

Samkvæmt upplýsingum frá Landhelgisgæslunni var báturinn staddur rétt utan við Geldingarnesið þegar þeir fengu tilkynningu. „Þessir bátar sem eru undir sex metrum eru kallaðir skemmtibátar. Þetta var svona Sómi 600 bátur og það hefur líklega verið frosið hjá honum staðsetningartækið,” sagði Landhelgisgæslan þegar Vísir náði af þeim tali.

Það voru íslendingar sem voru um borð í bátnum og var hann innan við 200 metra frá landi þegar rannsóknarskipið Dröfn mætti á vettvang. „Dröfnin dró hann svo bara í land. Hann hafði varpað akkeri en dró það aðeins og færðist því alltaf nær landi. Það fór samt allt vel.”