Innlent

Ók ölvaður á Laugarvegi

Lögreglan í Reykjavík stöðvaði ölvaðan karlmann á þrítugsaldri við akstur á Laugavegi eftir hádegi í gær. Hann var færður á lögreglustöð og vistaður í fangaklefa. Við eftirgrennslan kom jafnframt í ljós að maðurinn hafði ekki ökuréttindi.

 

Manninum var síðan sleppt úr haldi en þá virðist sem hann hafi aftur tekið til við drykkju því í gærkvöld var óskað eftir aðstoð lögreglu á veitinga- og matsölustað í miðborginni. Þar lét karlmaður mjög ófriðlega og hafði meðal annars slegið afgreiðslustúlku í andlitið. Reyndist þetta vera sami maður og lögregla hafði handtekið fyrr um daginn. Hann var því handtekinn öðru sinni og látinn sofa úr sér vímuna í nótt, segir í dagbók lögreglunnar.

Mest lesið


Fleiri fréttir

Sjá meira


×

Mest lesið