Segja „draumalandsverð“ afvegaleiðingu

Íslenskir kjúklingaframleiðendur bregðast við fréttum um fuglaflensu í Bretlandi og salmonellusmit í Svíþjóð. Þeir vilja benda á að allt innra eftirlit hér á landi er mjög virkt og litlar líkur á að hér komi upp skæðir faraldrar eins verið hafa í fréttum.

Í tilkynningu sem þeir sendu frá sér segja þeir að verið sé að afvegaleiða neytendur í auglýsingum um lágt „draumalandsverð" á kjúklingakjöti. Þar sé um innkaupsverð að ræða og ekki tekið inn í flutningskostnaður, dreifing og álagning.

Kjúklingabændur segja að hérlendis sé eftirlit mjög gott en að því fylgi kostnaður. Í staðin bjóði þeir gæðavöru lausa við smit og sjúkdóma.