Einnig leitað í húsi á Selfossi

Aðgerðir lögreglunnar stóðu meira og minna í allan dag að sögn vaktsrtjóra hjá lögreglunni á Selfossi. Par var stöðvað rétt fyrir klukkan tíu í morgun í bifreið í Hveragerði og á farþega í bílnum fundust fíkniefni. Eftir hádegi hófust svo húsleitirnar, í húsi í Hveragerði þar sem fólkið var gestkomandi, á vinnustað þeirra í Ölfusi og í húsi á Selfossi.

Í Hveragerði fundust fíkniefni og áhöld til fíkniefnanotkunar. Þar fundust einnig hnífar sem gerðir voru upptækir. Á vinnustað fólksins í Ölfusi fundust einnig efni og áhöld og á Selfossi fundust áhöld til fíknefnanotkunar. Ekki er ljóst hve mikið af fíkniefnum fannst í leitunum en að sögn lögreglu var það ekki mikið.