Eldur af mannavöldum

Við rannsókn lögreglunnar í Vestmannaeyjum á bruna í húsnæðinu, þar sem veitingastaðurinn Kaffi Kró er, sem tilkynntur var til lögreglu um miðjan dag í gær kom í ljós að nokkur ungmenni undir 15 ára aldri höfðu verið inni í húsinu að fikta með eld, eftir því sem fram kemur í tilkynningu lögreglu. Nokkur ungmennanna höfðu verið að reykja vindlinga þarna inni og leikið sér að því að kveikja í pappa sem var á gólfi á efri hæð hússins. Töldu þau sig hafa slökkt í pappanum. Telur lögreglan sterkar líkur á að glóð hafi verið í pappanum þegar þau síðan yfirgáfu húsið sem olli því að eldur blossaði upp. Málið er enn í rannsókn.