Ungur innbrotsþjófur dæmdur

Þrír karlmenn, á aldrinum 17 til 23 ára voru í dag dæmdir fyrir nokkur innbrot sem þeir frömdu fyrr á þessu ári. Mennirnir rændu meðal annars flatskjám, fartölvum og stafrænum myndavél. Einn mannana var aðeins 16 ára gamall þegar brotin voru framin.

Dómurinn var kveðinn upp í Héraðsdómi Reykjavíkur.

Mennirnir játuðu allir sök og var tveim þeirra gerð refsing vegna brotanna, alls 15 mánaða fangelsi, en framkvæmd hennar var frestað og mun hún falla niður haldi þeir skilorð.

Sá þriðji, sem nú er 19 ára, var ekki gerð refsing þar sem hann var aðeins hlutdeildarmaður í innbrotunum og hafði ekki áður gerst sekur um afbrot. Sá keyrði hina tvo í innbrotin og beið fyrir utan þegar þau voru framin. Hann sækir nú AA fundi og reynir að koma sér aftur á beinu brautina.