Einkaþotur háværari en farþegavélar

Einkaþota gefur frá sér meiri hávaða en farþegaflugvél þegar horft er til lendingar. Kvörtunum vegna hávaða frá Reykjavíkurflugvelli fer fjölgandi.

Umferð einkaþota um Reykjavíkurflugvöll hefur aukist á undanförnum árum. Kristján L. Möller, samgönguráðherra, hefur meðal annars í hyggju að hækka lendingargjöld á flugvellinum til að draga úr þessari umferð. Þá hefur Steinunn Valdís Óskarsdóttir, þingmaður, óskað eftir upplýsingum frá Flugstoðum um næturlendingar á Reykjavíkurflugvelli í kjölfar ábendinga frá almenningi að þeim hafi fjölgað.

Forvitnilegt er að bera saman hljóðmengun frá ólíkum flugvélategundum í lendingu. Samkvæmt tölum frá Flugmálstjórn gefur ein lítil einkaflugvél frá sér hávaða upp á 61 desibil þegar hún lendir. Hljóðstyrkur einkaþotu í lendingu er 81,7 desibil en hjá stórum skrúfuvélum er hann hins vegar 81,2. Hefðbundinn farþegaþota nær 85,3 desibilum í lendingu.

Umhverfissviði Reykjavíkurborgar berast árlega kvartanir frá íbúum vegna hljóðmengunar frá Reykjavíkurflugvelli. Samkvæmt upplýsingum þaðan hafa fleiri kvartanir borist í ár en í fyrra.

Hljóðmengunin sem vélarnar gefa frá sér er þó langt undir viðmiðunarmörkun og ætti ekki hafa skaðleg áhrif.