Kristjana sigraði í Veðravon

Um fimm þúsund Íslendingar tóku þátt Veðravon, veðurleik veðurstofu Stöðvar 2 og Vísis. Sigurvegarinn í leiknum var Kristjana Margrét Harðardóttir, Reykjavík, en hún reyndist ötulasti veðurathugunarmaðurinn enda gerði hún 93 veðurathuganir af 93 mögulegum.

Siggi Stormur hitti Kristjönu í Íslandi í dag og veitti henni verðlaunin, hundrað þúsund króna gjafabréf frá Sumarferðum.

Samkvæmt leiknum var veðursælasta sveitarfélagið þetta sumarið Bláskógabyggð og virkustu veðurathugunarmenn landsins eru íbúar Vopnafjarðarhrepps. Að leik loknum liggja tæplega sjö þúsund veðurathuganir inni í gagnabanka Sigga Storms.