Opna Schengen fyrir ríki Austur-Evrópu

Stefnt er að því að aðildarríki Evrópusambandsins í Austur-Evrópu fái fullan aðgang að Schengen-samstarfinu á næsta ári. Þetta var meðal annars sem kom fram á ráðherrafundi um Schengen málefni í Brussel í dag. Björn Bjarnason, dómsmálaráðherra, sat fundinn fyrir hönd Íslands.

Á fundinum ræddu ráðherrar einnig leiðir til að hefta straum ólöglegra innflytjenda á Schengen-svæðið frá Afríku yfir Miðjarðarhaf eða til Kanaríeyja. Skýrt var frá því að með samvinnu við stjórnvöld í Afríku hefði tekist að draga úr bátsferðum með ólömætum innflytjendum frá Afríku til Kanaríeyja. Á hinn bóginn hefði ekki tekist að ná sama árangri á Miðjarðarhafi og síðustu mánuði hefði til dæmis straumur innflytjenda aukist frá Alsír til Sardiníu.

Fyrir fundinn í dag hittust dómsmálaráðherrar Íslands, Noregs og Sviss á fundi til að ræða sameiginleg Schengen-málefni EFTA-ríkjanna. Voru ráðherrarnir sammála um að sú skipan að falla frá forsæti af þeirra hálfu á fundum Schengen-ráðherranefndarinnar hafi gefist vel.