Innlent

Afkoma ríkissjóðs versnar

Árni Mathiesen fjármálaráðherra: Afkoma ríkissjóðs versnar frá í fyrra.
Árni Mathiesen fjármálaráðherra: Afkoma ríkissjóðs versnar frá í fyrra.

Á öðrum ársfjórðungi 2007 nam tekjuafgangur hins opinbera 9,7 milljörðum króna en það er nokkuð óhagstæðari afkoma en á öðrum ársfjórðungi 2006 er hann mældist 15,7 milljarðar króna.

Sem hlutfall af landsframleiðslu var tekjuafgangurinn 0,7% og sem hlutfall af tekjum hins opinbera 6,5%. Í frétt frá Hagstofunni um málið segir m.a. að nokkuð snörp lækkun virðist vera frá síðasta ársfjórðungi 2006 er tekjuafgangur hins opinbera mældist 2,2% af landsframleiðslu, en á fyrsta ársfjórðungi 2007 nam hann 1,6% af landsframleiðslu.

Tekjuafkoma ríkissjóðs og almannatrygginga var jákvæð um ríflega 8,3 milljarða króna á öðrum ársfjórðungi 2007 og tekjuafkoma sveitarfélaganna um 1,4 milljarða króna á sama tímabili. Tekjuafkoma sveitarfélaganna hefur batnað verulega frá árinu 2004 er hún var neikvæð um 5,8 milljarða króna, en á árinu 2005 var hún jákvæð um 4,4 milljarða króna og á árinu 2006 um 11 milljarða króna.

Mest lesið


Fleiri fréttir

Sjá meira


×

Mest lesið