Hlíðaskóli fyrirmynd á Norðurlöndum í kennslu fyrir heyrnarskerta

Hlíðaskóli hefur unnið markvisst frumkvöðlastarf í skólamálum á Íslandi á þann veg að heyrnarskert, heyrnarlaus og daufblind börn taka þátt í kennslustundum með heyrandi og sjáandi nemendum skólans.

Stjórnendur Hlíðaskóla telja að þessi aðferð hafi skilað góðum árangri fyrir alla, nemendur jafnt sem kennara. Skólabörnin átti sig á að fötlun er hluti af litrófi mannlífsins.

Krakkar sem koma í Hlíðaskóla frá tvítyngda leikskólanum Sólborg, sem er í nágrenni Hlíðaskóla, hafa traustan grunn í táknmáli. Þeir hjálpa til við að yfirstíga þröskulda í skólanum sem tengjast tjáskiptum.

Í Hlíðaskóla eru gjarnan tveir kennarar í tímum, einn sem talar íslensku og annar sem talar táknmál. Á þann hátt nær Hlíðaskóli til allra nemenda í kennslunni auk þess sem sérkennsla er boðin í skólanum.

Aðferðarfræði Hlíðaskóla hefur skilað það góðum árangri að sögn stjórnenda skólans að hún hefur nú verið tekin upp við barnaskóla í Danmörku og í Noregi.