Kviðdómur kemst ekki að niðurstöðu í máli Spectors

Meðlimir í kviðdómi í máli Phil Spectors komast ekki að niðurstöðu um hvort Spector sé sekur eða saklaus. Dómari í máli upptökustjórans heimsfræga sem ákærður er fyrir morð segist vera að íhuga að fara fram á að morðákærunni verði breytt í manndrápsákæru.

Spector hefur lýst yfir sakleysi sínu en hann er ákærður fyrir að hafa skotið leikkonuna Lenu Clarkson á heimili sínu í Los Angeles árið 2003. Verjendur Spectors segja að Clarkson hafi framið sjálfsmorð. Kviðdómurinn, sem skipaður er níu karlmönnum og þremur konum hefur setið á rökstólum frá 10. september og í dag var tilkynntu þeir dómaranum að þeir gætu ekki komið sér saman um niðurstöðu.

Verjendur Spectors fóru þegar fram á að málinu yrði vísað frá en dómarinn féllst ekki á það.