Um 40 ólöglegir iPhone símar í notkun á Íslandi

Samkvæmt heimildum Vísis eru um fjörutíu óskráðir og ólöglegir iPhone símar í notkun hér á landi. Símarnir voru keyptir í Bandaríkjunum en vegna samnings sem Apple gerði við farsímafyrirtæki þar í landi eru símarnir læstir fyrir notkun erlendis.

Tölvuhakkarar hafa fundið leið til að komast framhjá þessari læsingu og lekið þeim upplýsingum á netið. Svo virðirst sem allnokkrir óþreyjufullir aðilar hér á landi hafi nýtt sér þerssar upplýsingar, aflæst Iphone símanum og hafið notkun á honum hér á landi.

Símarnir eru ekki með löggilta CE merkingu eins og skylt er og eru því ólögleg fjarskiptatæki hér á landi.

Forsvarsmönnum Apple hér á landi er kunnugt um málið en geta lítið aðhafst enda símarnir keyptir erlendis. Þeir segja málið á könnu Póst og Fjarskiptastofnunnar þar sem um ólögleg fjarskiptatæki að ræða.