Foster dásamar Ísland

Hollywoodstjarnan, Jodie Foster, kom fram í spjallþætti David Lettermans á dögunum og talað fallega um litla Ísland. Leikkonan dvaldi hér um skeið í sumarfríi ásamt sonum sínum tveimur og féll kylliflöt fyrir landi og þjóð.

"Þeir sem hafa gaman af Animal Planet og Discovery Channel ættu að heimsækja Ísland. Þarna er einskonar risaeðlulandslag." Foster talaði um hraunið, jöklana, hvalina og löngu sumarnæturnar. Letterman spurði hvernig það færi með fólk þegar bjart er allan sólarhringinn. "Ætli það breytist ekki í mannætur," svaraði Foster.

Þá talaði hún um hreinu og tæru almenningssundlaugarnar og sagðist sjálf hafa heimsótt þær nokkrar.

Hér má sjá viðtalið í heild sinni