9 milljarðar til jarðvarmaverkefna í Afríku

Guðmundur Þóroddsson, forstjóri Reykjavík Energy Invest kynnti í gær ásamt foseta Íslands, Ólafi Ragnari Grímssyni og Bill Clinton fyrrverandi Bandaríkjaforseta að Reykjavík Energy ætli að setja 150 milljónir dollara eða 9 milljarða íslenskra króna til jarðvarmaverkefna í Afriku á næstu 5 árum.

Þetta kom fram á árlegum fundi, Clinton Global Initiative, stofnunar Clintons í New York. Forseti Íslands er hvatamaður að samkomulaginu sem undirritað var á árlegu þingi sem Clinton heldur til að leiða saman fulltrúa úr stefnumótun, athafnalífi og frjálsum félagasamtökum. Reykjavík Energy hyggst byggja orkuver í Djibouti í Austur Afríku og fjárfesta í rannsóknum á mögulegri nýtingu jarðvarma á svæðinu.