Kvótaskerðing ekki möguleg í tíð síðustu ríkisstjórnar

Forsætisráðherra segir að ekki hafi verið hægt að grípa til nauðsynlegrar skerðingar veiðiheimilda í tíð síðustu ríkisstjórnar. Eitt það hrikalegasta sem gæti hent Íslendinga væri að missa þorskstofninn og hann ætlaði ekki að láta það gerast í tíð þessarar ríkisstjórnar.

Það var fjölmennt á fundi sjálfstæðismanna sem haldinn var í Valhöll í morgun. Á fundinum fjallaði Geir H. Haarde forsætisráðherra og formaður flokksins um áherslumál ríkisstjórnarinnar fyrir komandi vetur. Hann sagði að ekki hefði verið hægt að taka ákvörðun um að skerða þorskvótann í tíð síðustu ríkisstjórnar.

Framsóknarmenn hafa gagnrýnt skerðingu þorskvótans harkalega og segja mótvægisaðgerðir ríkisstjórnarinnar ómarkvissar. Þá vék Geir að Evrópusambandsmálum og sagði hagsmunum þjóðarinnar ekki borgið með aðild að Evrópusambandinu enn sem komið.