Lífið

Beyoncé dettur kylliflöt

Hér sést hvernig Beyoncé sveiflar hárinu á tónleikum sínum áður en hún gengur niður tröppurnar. Þó er ekki um að ræða sömu tónleika og hún datt á.
Hér sést hvernig Beyoncé sveiflar hárinu á tónleikum sínum áður en hún gengur niður tröppurnar. Þó er ekki um að ræða sömu tónleika og hún datt á.

Söngkonan Beyoncé Knowles varð fyrir því óláni að hrynja niður stiga á tónleikum sínum í Florida fyrr í vikunni. Hún virðist þó hafa sloppið með skrekkinn því hún stóð snöggt á fætur og hélt áfram að syngja eins og ekkert hefði í skorist. Sumir áhorfenda voru meira að segja á því að söngkonan hefði ekki misst úr eitt einasta orð.



Beyoncé er nú á tónleikaferð um Bandaríkin og hefur lagt það í vana sinn að sveifla hárinu ofsafengið meðan á flutningi stendur. Hún hafði rétt nýlokið við góða sveiflu þegar hún tók til við að ganga niður tröppur á sviðinu í síðum, rauðum silkifrakka. Ekki vildi betur til en svo að hún festi hælinn í frakkanum og féll niður einar tólf tröppur. Beyoncé missti hljóðnemann en greip hann hið snarasta eftir fallið og hélt áfram að syngja.

Beyoncé framan við tröppurnar sem hún datt niður í vikunni. Fallið hefur ekki verið þægilegt en hún stóð upp eins og ekkert hefði í skorist.
Áður en hún hóf flutning á næsta lagi sínu bað hún áhorfendur náðarsamlegast að setja ekki myndir eða myndbönd af atvikinu á netið. Henni varð ekki að ósk sinni því myndbandið hefur farið eins og eldur í sinu um netheima. Það er meðal annars að finna í nokkrum útgáfum á vefsíðunni YouTube.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.