Justin til bjargar

Popparinn Justin Timberlake ók rakleiðis til Hollywood þegar hann frétti af vandræðum Britney Spears til að hugga hana.

Justin og Britney voru kær-ustupar á sínum tíma og vildi Justin sýna henni stuðning sinn í verki.

„Justin er líklega eina manneskjan sem Britney myndi hlusta á þessa dagana,“ sagði kunningi hennar. „Allir vonast til þess að hann geti komið henni aftur á beinu brautina.“

Aðdáendur Britney óttast mjög um hana og telja hana ramba á barmi taugaáfalls vegna álagsins sem fylgir skilnaðinum við Kevin Federline. Hefur hann farið fram á forræði yfir sonum þeirra tveimur og segir hann Britney óhæfa móður. Britney, sem hefur drukkið stíft síðan hún skildi við Federline, rakaði af sér hárið fyrir skömmu og telja margir að með því hafi Britney í undirmeðvitundinni verið að hrópa á hjálp.