Enn eitt metárið hvað sjúkraflug varðar

Árið verður enn eitt metárið hvað sjúkraflug varðar en þau eru nú orðin 481 talsins með 521 sjúkling það sem af er árinu. Mikill erill hefur verið í sjúkraflugi undanfarið og hafa verði farin 16 flug á síðustu sjö dögum.

Í frétt um nýjasta sjúkraflugið segir Þorbjörn Haraldsson

slökkviliðsstjóri á Akureyri að beiðni hafi borist þeim um sjúkraflug frá lækni á Húsavík kl: 11:20 í dag.

"Um var að ræða F1 flug sem er alger forgangur þar sem um mikið hjartveikan sjúkling var að ræða. Þrátt fyrir að ræsa þyrfti alla áhöfn heiman frá sér þ.e sjúkraflutningamann, lækni og flugmenn þá sýndi það sig hversu megnug samvinna þessara aðila er," segir Þorbjörn. "Einungis 34 mínútum seinna eða 11:54 lenti vélin á flugvellinum við Húsavík og tók á móti sjúklingi til flutnings. Flogið var til Reykjavíkur og lent þar um kl: 13:00. Þessi tímarammi telst afar góður sem byggist á vel samhæfðum hóp frá Slökkviliði Akureyrar, Sjúkrahúsinu á Akureyri og Mýflugi."