Nær allir starfsmenn Glitnis með í maraþoni

Nú hafa 520 starfsmenn Glitnis skráð sig í Reykjavíkurmaraþoni bankans og Latabæjar á laugardag. Pétur Þ. Óskarsson fjölmiðlafulltrúi Glitnis segir að gífurlega góð stemming sé meðal starfsmanna en nær liggur að um alla starfsmenn bankans á höfuðborgarsvæðinu sé að ræða.

Pétur segir að enn geti bæst í þennan hóp starfsmanna því skráningu í hlaupið lýkur ekki fyrr en á morgun. Hann segir að í fyrra hafi 502 starfsmenn tekið þátt. Þá söfnuðu þeir um 23 milljónum kr. til góðgerðarmála en sú tala verði ábyggilega hærri í ár.