Fundu bátskuml í Aðaldal

Bátskuml fundust í Aðaldal í Þingeyjarsýslu í gær. Kumlin eru 4 kílómetra frá sjó og þykja einhver merkustu kuml sem fundist hafa, að sögn Unnsteins Ingasonar, formanns Hins þingeyska fornleifafélags.

Starfsmenn Fornleifastofnunar Íslands eru nú við uppgröft og rannsóknir í Aðaldalnum ern kumlin eru skammt frá bænum Litlu-Núpum austan Laxár. Þá hafa fundist brot úr tveimur beinagrindum í bátskumlinu sem sætir tíðindum, þar sem tvöföld kuml eru óalgeng. Vonir fornleifafræðinga standa til þess að hægt verði að ráða lögun bátsins og gerð hans með frekari rannsóknum.