Sparisjóður Mýrasýslu og Ólafsfjarðar máttu sameinast

Samkeppniseftirlitið hefur lagt blessun sína yfir kaup Sparisjóðs Mýrasýslu á Sparisjóði Ólafsfjarðar fyrr á árinu. Eftir því sem segir í úrskurði Samkeppniseftirlitsins mat eftirlitið það svo að kaupin fælu í sér samruna í skilningi samkeppnislaga og því beindist skoðun eftirlitsins að því hvort samruninn hindraði virka samkeppni.

Horft var til þess að á Norðurlandi og starfssvæði Sparisjóðs Mýrasýslu störfuðu þrír stórir viðskiptabankar og í ljósi þess var samruni sparisjóðanna tveggja ekki talinn hindra samkeppni. Taldi Samkeppniseftirlitið því ekki ástæðu til að aðhafast frekar vegna samrunans.