Jákvætt að bæta fiskveiðistjórnun

Friðrik J. Arngrímsson, framkvæmdastjóri Landssambands íslenskra útvegsmanna, segir það vera mjög jákvætt ef ESB nær að bæta fiskveiðistjórnun með heildstæðum hætti.

„Það myndi hjálpa okkur ef orðspor sjávarútvegs í heild myndi batna. Það má taka sem dæmi að þegar verið er að hvetja fólk til að kaupa ekki þorsk er það að stórum hluta vegna ástandsins á þorskstofninum í Norðursjó. Við verðum fyrir tjóni þess vegna.“

Friðrik segir að ESB reyni með reglulegu millibili að endurskoða sameiginlegu sjávarútvegsstefnuna en það hafi jafnan skilað litlum árangri.