Næstbest að búa á Íslandi

Ísland er í öðru sæti á lista bandaríska tímaritsins Reader's Digest yfir þær þjóðir þar sem best þykir að búa. Listinn er byggður á könnun bandaríska umhverfishagfræðingsins Matthew Kahn sem náði til 141 lands.

Í könnuninni var meðal annars tekið mið af tíðni ungbarnadauða, aðgengi að hreinu vatni og mengun. Best þótti að búa í Finnlandi en í þriðja sæti kom Noregur og svo Svíþjóð í því fjórða. Neðstu sætin skipuðu löndin Tjad, Búrkína Fasó, Síerra Leone og Eþíópía.