Lífið

P. Diddy gengst við 15 mánaða gamalli stúlku

Diddy og Porter með tvíburadætur sínar sem fæddust í desember 2006.
Diddy og Porter með tvíburadætur sínar sem fæddust í desember 2006. MYND/Getty

Rapparinn Sean P. Diddy hefur viðurkennt að vera faðir hinnar 15 mánaða gömlu Chance. Stúlkan fæddist þegar Diddy var enn í sambúð með Kim Porter. Móðir stúlkunnar heitir hins vegar Sarah Chapman.

Því hefur lengi verið haldið fram að Diddy sé faðirinn en hann viðurkenndi það ekki fyrr en niðurstöður DNA-rannsóknar leiddu sannleikann í ljós. Diddy sagði í kjölfarið að hann myndi gangast við barninu. „Í fyrstu var ég ekki viss um að hún væri dóttir mín en nú þegar ég hef fengið það staðfest mun ég hugsa um hana það sem eftir er og vera henni góður faðir," segir hann í samtali við The New York Daily News.

Chance er sjötta barn Diddy en hann á þrjú með Porter. Þau hættu saman í sumar eftir 10 ára samband.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.