Styð Hillary til sigurs

Bill Clinton, fyrrverandi forseti Bandaríkjanna, segist munu styðja Hillary konu sína til sigurs, í forsetakosningunum. Þetta er það fyrsta sem hann tjáir sig um yfirvofandi baráttu, síðan Hillary tilkynnti um framboð sitt.

Clinton sagðist ekki í nokkrum vafa um að Hillary væri besti kosturinn fyrir þjóðina. Hún væri eitilhörð, afburða snjöll, en ætti einnig gott með að ná heiðarlegum málamiðlunum.

Clinton kvaðst ákaflega stoltur af konu sinni. Sér dytti ekki í hug að reyna að stýra framboði hennar, en hann væri til í að gera allt sem hann yrði beðinn um.