Anna Nicole átti í ástarsambandi við konu

Það er engin lognmolla í kring um andlát Önnu Nicole Smiths. Nú er hefur komið fram að Anna Nicole átti í ástarsambandi við konu að nafni Sandi Powledge áður en hún giftist auðkýfingnum J. Howard Marshall. Sandi, sem nú er 46 ára, segir þær hafa kynnst á skemmtistað fyrir samkynhneygða árið 1991 og þær hafi verið saman í þrjú ár.

Segir Sandi Önnu Nicole hafa átt við vímuefnavandamál að stríða og að hún telji að andlát sonar hennar Daniels í fyrra hafi orðið henni að falli. Þó hafi þær ekki talast við eftir sambandslitin. Kemur þetta fram í dagblaðinu The Houston Cronicle.

Ástarlíf Önnu Nicole virðast því síður en svo einfaldast en þrír menn deila nú um faðerni dóttur hennar Dannielynn sem er aðeins nokkurra mánaða gömul.