Földu stera í steríótæki

Fangaverðir á Litla-Hrauni komu upp um smygltilraun þegar reynt var að smygla 79 sterahylgkum, 60 lyfjatöflum og nokkrum sprautum inn í fangelsið. Gestur sem heimsótti vistmann í fangelsinu hafði verið beðinn um að koma með tækið en að sögn lögreglu var honum ekki kunnugt um innihaldið.

Fangaverðir sáu eitthvað athugavert við tækið og þegar það var skrúfað í sundur komu efnin í ljós. Sá sem átti að fá tækið gekkst við að hafa átt von á varningnum. Málið telst upplýst og verður það sent ákæruvaldinu sem tekur ákvörðun um framhaldið.