Hálka í borginni og víða um land

Mikil hálka er nú víða á höfuðborgarsvæðinu og ástæða til að bílstjórar fari varlega í moegunsárið. Einnig eru hálkublettir í öllum fjórðungum landsins að Austfjörðum undanskildum.

Samkvæmt upplýsingum frá Vegagerðinni er hálka á Hellisheiði og í Þrengslum, hálkublettir eru á Sandskeiði. Á Suðurlandi eru hálkublettir á flestum leiðum.

Á Vesturlandi eru hálkublettir í á flestum leiðum og hálka á

Holtavörðuheiði og á Bröttubrekku. Snjóþekja er á vestanverður

Snæfellsnesi.

Á Vestfjörðum er snjóþekja á flestum fjallvegur og stendur mokstur yfir á

helstu leiðum. Hálkublettir eru í Ísafjarðardjúpi og hálka á Eyrarfjalli.

Þungfært er á Þorskafjarðar- Hrafnseyrar- og Dynjandisheiði.

Á Norðurlandi er hálka á Öxnadalsheiði, Vatnsskarði og Þverárfjalli.

Snjóþekja og éljagangur er víða á Norðvesturlandi.

Að gefnu tilefni minnir Vegagerðin vegfarendur á að vegna framkvæmda við tvöföldun Reykjanesbrautar er nauðsynlegt að sýna þar aðgát. Sérstaklega biðjum við fólk að fara varlega við framhjáhlaup við Voga, Grindavíkurveg og Njarðvík. Vegfarendur eru beðnir að virða hraðatakmarkanir.