Stórhssa á að vera á lífi

Það kemur gamanleikkonunni Dawn French á óvart að vera enn á lífi. Ekkert bráðdrepandi amar að leikkonunni, sem hefur þó viðurkennt að hún passi ekki í hefðbundnar stærðir af baðkörum sökum ofgnóttar af spiki.

Hún sagði í samtali við Entertainmentwise að hún byggist allt eins við því að deyja fljótlega, enda hafi hún aldrei gert ráð fyrir því að verða mjög gömul.

French, sem verður fimmtug í október, ætlar að flytja með eiginmanni sínum til Cornwall í næsta mánuði, að eigin sögn til að deyja hægt og fallega í stórkostlegu umhverfi.