Bæjarstjóraskipti í Mosfellsbæ á föstudag

Á föstudag verða bæjarstjóraskipti hjá Mosfellsbæ, þegar Ragnheiður Ríkharðsdóttir hættir sem bæjarstjóri Mosfellsbæjar eftir rétt rúmlega fimm ára starf, en eins og kunnugt er var Ragnheiður kjörinn alþingismaður í alþingiskosningunum síðast liðið vor. Við starfinu tekur Haraldur Sverrisson bæjarfulltrúi.

Haraldur hefur sem bæjarfulltrúi, formaður bæjarráðs og formaður skipulags- og byggingarnefndar Mosfellsbæjar áralanga og víðtæka reynslu af starfssemi Mosfellsbæjar og af sveitarstjórnarmálum almennt.

Haraldur Sverrisson er viðskiptafræðingur að mennt og með framhaldsnám í fjármálum frá University of Arizona í Bandaríkjunum. Haraldur Sverrisson er giftur Ragnheiði Gunnarsdóttur viðskiptafræðingi.

Af þessu tilefni mun Ragnheiður Ríkharðsdóttir fráfarandi bæjarstjóri afhenda Haraldi Sverrissyni verðandi bæjarstjóra lykla af bæjarskrifstofunum kl 12:15 á föstudag á bæjarskrifstofunum í Kjarna