Missti meðvitund í hörðum árekstri á Dalvegi

Ökumaður slasaðist alvarlega og missti meðvitund í hörðum árkestri tveggja bíla á Dalvegi um klukkan hálf níu í morgun. Hinn slasaði var auk þess fastur í bílflakinu og þurftu björgunarmenn frá slökkviliðinu að beita klippum til að ná honum út.

Hann var síðan fluttur í sjúkrabíl á Slysadeild og lliggur ekki fyrir hversu alvarlega hann er meiddur. Ökumaður hins bílsins slapp hins vegar ómeiddur en báðir bílarnir eru stórsekmmdir ef ekki ónýtir og þurfti að fjárlægja þá með kranabílum.

Tildrög slyssins liggja ekki fyrir. Miklar umferðartafir urðu þegar lögregla lokaði götum að vettvangi til að björgunarmenn gætu athafnað sig.