Saka samkeppnisyfirvöld um seinlæti

Stofnendur Iceland Express saka samkeppnisyfirvöld um að hafa með seinlæti sínu gert Icelandair kleift að knésetja sig og neytt stofnendur til að selja félagið langt undir raunverði.

Sigurður I. Halldórsson, fyrrverandi stjórnarformaður Iceland Express, sagði ljóst að stofnendur Iceland Express hefðu skaðast um hundruð milljóna vegna seinlætis samkeppnisyfirvalda. Og þar sem Samkeppniseftirlitið fellst í nýjum úrskurði sínum á athugasemdir félagsins vakna spurningar um skaðabótakröfur.

Icelandair ætlar að áfrýja málinu til áfrýjunarnefndar um samkeppnismál, sömu nefndar sem fjórir stofnendur Iceland Express saka í sameiginlegri yfirlýsingu sinni í morgu um linkind gagnvart Icelandair.