Pink á sýrutrippi á McDonald’s

Það virðist ótrúlegt en satt, að 10% af bandarísku þjóðinni hefur starfað fyrir hamborgarakeðjuna McDonalds's, samkvæmt heimildum America Online. Fréttasíðan hefur tekið saman tíu frægustu starfsmenn keðjunnar, fyrr og síðar, en meðal þeirra eru leikkonan Sharon Stone, skemmtikrafturinn Jay Leno og söngkonurnar Shania Twain og Pink.

Pink líkaði vistin á McDonalds illa en að hennar sögn mætti hún í vinnuna á sýrutrippi við opnun veitingastaðarins. Hún óskaði síðan eftir því að fara á salernið. Þar sat hún eins lengi og hún gat og horfði niður á flísarnar á gólfinu.

Það er óskandi að Pink líði betur í því starfi sem hún gegnir í dag en skyndibitakeðjubransinn var greinilega ekki hennar.