Þrír keyrðu útaf á sama stað í nótt

Þrjú umferðaróhöpp urðu á sama staðnum á Reykjanesbraut til móts við Vogaveg. Um minniháttar meiðsli var að ræða í tveimur atvikanna en þriðji ökumaðruinn slapp ómeiddur. Í öllum tilvikum óku menn útaf. Einn ökumaðurinn er grunaður um ölvunarakstur.

Að auki var annar ökumaður tekinn fyrir meintan ölvunarakstur í nótt í umdæmi Keflavíkurlögreglunnar og þrír fyrir hraðakstur. Þá var ein kona vistuð í fangageymslu um tíma fyrir óspektir fyrir utan skemmtistað í bænum og var henni sleppt þegar henni var runnin reiðin.