Vísar ummælum um spillingu á bug

Einar K. Guðfinnsson sjávarútvegsráðherra vísar fullyrðingum Friðriks Arngrímssonar, framkvæmdastjóra LÍÚ, um spillingu á bug. Friðrik sagði í viðtali í Íslandi í dag í gær að úthlutun og málefni í kringum byggðakvótann einkenndust af pólitískri spillingu.

Einar segir að undanfarið hafi verið farið mjög vel yfir reglur um úthlutun byggðarkvóta meðal annars vegna ábendinga frá Umboðsmanni Alþingis. Á liðnu þingi hafi síðan verið samþykkt samhljóða frumvarp sem felur í sér breytingar á lögum um byggðarkvóta. Þessi lög geri allar reglur um úthlutun kvótans gegnsærri. Reglurnar séu nú stífari og almennari en áður.