Paris Hilton komin með nýjan?

Paris Hilton bætti nýjum fola í föruneyti sitt í gær er hún sást spranga á strönd í Malibu ásamt hinum fjallmyndarlega leikara Adrian Grenier. "Vinirnir" léku sér í sandinum og stungu sér til sunds.

Þó er ekki víst að um ástarsamband sé að ræða því Grenier vinnur að gerð heimildarmyndar sem fjallar um sambandið á milli fræga fólksins og paparzzi-ljósmyndara. Myndin varpar ljósi á það hvernig báðir aðilar geta ekki lifað án hvors annars og hver ætti að vita meira um það en Paris Hilton?

Sagan segir að Grenier hafi meira að segja orðið ögn afbrýðisamur vegna athyglinnar sem Paris fékk á ströndinni. Spurning hvort hann þurfi ekki að gefa út kynlífsmyndband!